1921-ലെ മലബാര്‍ സമരം ദേശീയ സ്വോതന്ത്ര്യ സമരവുമായി കണ്ണി ചേര്‍ക്കാത്തതെന്ത് ?

ഇന്ത്യന്‍ ദേശീയ സ്വോതന്ത്ര്യ സമര ചരിത്രത്തിലെ അത്യുജ്ജ്വല അദ്ധ്യായങ്ങളിലൊന്നാണ് 1921-ലെ മലബാര്‍ സമരം.  ഏറനാട്, വള്ളുവനാട് താലൂക്കുകളില്‍ പെട്ട നൂറു കണക്കിന് വില്ലേജുകളില്‍ ആറു മാസക്കാലംകൊളോണിയല്‍ ഭരണത്തെ നിര്‍വീര്യമാക്കിയ ഈ സമരം പില്‍കാലത്ത്‌ കേരളത്തില്‍ നടന്ന ഭൂപരിഷ്കരണം, അയിത്തോച്ചാടനം തുടങ്ങിയ വിപ്ലവകരമായ പല സാമൂഹിക മാറ്റത്തിന്റെയും രാസത്വരകം  കൂടിയായിരുന്നു. അതോടൊപ്പം ഭിന്നവിരുദ്ധങ്ങളായ പലതരം വായനകള്‍കും വ്യാഖ്യാനങ്ങള്‍കും വിധേയമായ സമരം കൂടിയാണിത്‌.

കൊളോണിയല്‍ ചരിത്രകാരന്മാരുംഅവരുടെ ചുവടു പിടിച്ചു വര്‍ഗീയ ചരിത്രകാരന്മാരും ഹിന്ദു വിരുദ്ധലഹളയായും മാപ്പിള മത ഭ്രാന്തിന്‍റെ പ്രകടനമായും വിലയിരുത്തി സമരത്തെ ഭല്‍സിച്ചപ്പോള്‍ ഇടതുപക്ഷ ചരിത്രകാരന്‍മാര്‍ ഒരു കാര്‍ഷിക ലഹള മാത്രമായി കണ്ടു അതിന്‍റെ പ്രാധാന്യത്തെ പരിമിതപെടുതുകയാണ് ചെയ്തത്.


വിഷയത്തെ അകാഡമികമായി പഠിച്ച ചരിത്രകാരന്‍മാര്‍ ഈ സമരത്തിലെ  സാമ്രാജ്യത്വ നാട് വാഴിത്ത വിരുദ്ധ ഉള്ളടക്കം ശരിയായി അടയാളപെടുതുന്നതില്‍ ഒട്ടൊക്കെ വിജയിച്ചു എങ്കിലും ദേശീയ സ്വോതന്ത്ര്യ സമരവുമായി  അതിനെ കണ്ണി ചേര്‍ക്കാന്‍ അവരും മടിച്ചു. ഈ സമരത്തില്‍ ഇഴുകി ചേര്‍ന്ന മതപരമായ കാര്യങ്ങളായേക്കാം അവരെ അതിന്നു പ്രേപിച്ചത്. എന്തായാലും 1921ലെ സമരം എന്തിന്നു നടത്തി എന്ന് സമര നായകന്‍ വാരിയന്‍ കുന്നത്ത് കുഞ്ഞഹമ്മദാജി  തന്നെ വ്യക്തമാകിയിട്ടുണ്ട്. പോലീസിനു കുഞ്ഞഹമ്മദാജി നല്‍കിയ മൊഴിയില്‍ ഹിച് കോക്ക് രേഖപെടുതിയത് (മലബാര്‍ Rebellion Page 102) ഞങ്ങള്‍ സമരം ചെയ്യുന്നത് സ്വയം ഭരണത്തിനു വേണ്ടിയാണെന്നാണ് ; ഖിലാഫത്ത് ഒരു തുര്‍കി പ്രശ്നമാണെന്നും .

അവിടെ ഹിന്ദുവും മുസ്ലിമുമല്ല ഉണ്ടായിരുന്നത്‍ - ഇന്ത്യക്കാരാണ്.  ആ ഇന്ത്യക്കാരന്‍ ഏതു ജാതിക്കാരനാണ് എന്ന് പരതുന്ന വ്യാഖ്യാന രീതിയാണ്‌ ഈ സമരത്തെ വിലയിരുത്തുമ്പോള്‍ നമ്മെ ദേശീയ സ്വോതന്ത്ര്യ സമരവുമായി  കണ്ണി ചേര്‍ക്കാന്‍ മടിക്കുന്നതിന്റെ പ്രധാന കാരണവും.

ഈ സമരത്തിലെ അതി മൂര്‍ത്തമായ ചില രംഗങ്ങള്‍  മലയാളത്തില്‍  ചലചിത്രമാകിയത്‌ നിങ്ങളില്‍ ചിലരെങ്കിലും കണ്ടിരിക്കാന്‍ ഇടയില്ല.  അവര്‍ക്ക് വേണ്ടി ഇതോടൊപ്പം  അതിന്റെ ഒരു ചീന്ത് അപ്‌ലോഡ്‌ ചെയ്യുന്നു.    നമ്മുടെ രാജ്യത്തിന്നു വേണ്ടി പൊരുതി മരിച്ച ധീര ദേശാഭിമാനികളുടെ മനോ വീര്യം - ശത്രുവിന്‍റെ മുമ്പില്‍ ചിതറാതെ, പതറാതെ മരണം ഏറ്റു വാങ്ങുന്ന രംഗങ്ങള്‍‍, നാടിന്‍റെ സോതന്ത്ര്യതിന്നു വേണ്ടിയുള്ള മാപിളമാരുടെ  ഉശിരും വാശിയും അതുല്യമാണ്. അവിടെയും തെമ്മാടികളും കൊള്ളക്കാരും രംഗം മലീമാസമാകിയില്ലെന്നു പറയാന്‍ ‍ നമുക്കാവില്ല. ഇന്നത്തെ പോലെ തന്നെ അന്നും കാര്യങ്ങള്‍ ഒരു പോലെ തന്നെ.  നമ്മുടെ ഇടയിലുള്ളവരുടെ ചിലരുടെ തിന്മകള്‍ക്ക്  സമുദായം മൊത്തം പ്രതികൂട്ടിലാവുന്നത്  അന്ഗീകരിക്കാമോ? നന്മയെ നന്മയായും തിന്മയെ തിന്മയായും കാണാനുള്ള ആര്‍ജവം നമുക്ക് നഷ്ടപെട്ടിരിക്കുന്നുവോ ?